廣東
李啟傑今日出席有份主演的無綫新劇《非份之罪》宣傳活動，他透露劇中飾演施sir一角：「係新界東重案組嘅警察，今次特別啲，係由警察收到個case嘅角度出發去查案，同僚之間大家唔知對方嘅嘢，劇本設計有心思。」他表示已做做過好多警察角色，覺得都適合自己，問到可有什麼未演過的角色想演？他說：「可以演再變態啲嘅反派，或者性取向唔同嘅角色。」
李啟傑。(張嘉敏攝)
考牌教打波幫補生計
提到他有份演出的處境劇《愛·回家之開心速遞》即將迎來大結局，問他可有份拍結局篇？知否什麼時候拍完？在劇中飾演導演的李啟傑說：「7月中應該會拍完，我應該都有份拍，呢啲機密嘢未知住。都有唔捨得，但係天下無不散之延席，係一個好開心嘅回憶，呢個導演角色為我創造咗個形象，依家係完咗一個階段喇。（新開嗰套處境劇有無你份？）新劇暫時未有我份，基本班底應該已經定咗，希望嚟緊有機會可以參與到。（拍完《愛回家》咪會影響收入？）係會影響到，不過無問題，努力啲做其他劇，都有諗緊做其他嘢幫補下，我考咗pickleball嘅教練牌，仲有幾個牌要考，考曬就可以去教波。」
李啟傑有份拍《愛回家之開心速遞》大結局。(張嘉敏攝)
李啟傑有意教匹完球。(張嘉敏攝)
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
